Atyraý oblysynda jańa HQO ashyldy
ATYRAÝ. QazAqparat - «Azamattarǵa arnalǵan úkimet» memlekettik korporatsııasy Atyraý oblysynyń ákimdiginiń qoldaýymen Isataı aýdanynda memlekettik qyzmetterdi kórsetýge arnalǵan záýlim ǵımarat salynyp, aýdannyń 90 jyldyń mereıtoıyna oraı jańa halyqqa qyzmet kórsetý ortalyǵynyń ashylý saltanaty ótti, dep habarlaıdy QazAqparat «Azamattarǵa arnalǵan úkimet» memlekettik korporatsııa Atyraý oblysy boıynsha fılıaly.
Sharada aýdan ákimi Marat Mýrzıev pen oblystyq ardagerler keńesiniń tóraǵasy, Isataı aýdanynyń perzenti, Jylyoı aýdanynyń «Qurmetti azamaty» Ǵabbas Hısmetýllın aýdan turǵyndaryn quttyqtasa, fılıal dırektory Musa Haırýllıev pen «Qurmet» ordeniniń ıegeri Qurmanǵazy, Isataı aýdandarynyń «Qurmetti azamaty» Zulbyhar Súıinishev jańa ǵımarattyń lentasyn qıdy.
«Memleket basshysynyń tapsyrmasyna saı, búgingi tańda halyqqa qyzmet kórsetý, turǵyndardyń is-qujattaryn rásimdeý, qoljetimdilikti arttyrý elimizdiń basty jetistikteriniń birine aınalýda. Osynyń bir dáleli - búginnen bastap aýdan turǵyndary ózderine yńǵaıly, ári jańa orynda memlekettik qyzmetke qol jetkize alady. Munyń bári korporatsııanyń Sizderge jasap jatqan ıgi isteri dep qabyldańyzdar»,- dedi Isataı aýdanynyń ákimi Marat Bısenǵalıuly.
Endi bólimniń 19 qyzmetkeri Aqqystaý kenti E.Esjanuly 25 mekenjaıynda ornalasqan eki qabatty ǵımaratta 30 myńǵa jýyq aýdan turǵyndaryna qyzmet kórsetedi.
«Buryn bólimniń eski ǵımaratynyń qyzmet kórsetý zaly 40 sharshy metr bolsa, qazirgi jaǵdaıda 200 metrdi qurap, 5 esege ulǵaıǵanyn aıta ketý kerek. ıAǵnı bir mezette 50 adamdy qabyldaýǵa tolyq múmkindigi bar. Sonymen qatar óz-ózine qyzmet kórsetý sektory da keńeıip, halyqtyń tsıfrlyq saýattylyǵyn kóterýge jaǵdaı jasalýda», - dedi fılıal dırektory Musa Haırýllıev.
Bıylǵy jyldyń statıstıkasyna kóz júgirtsek, bólim 9 aıda 42 myńnan astam memlekettik qyzmet kórsetken.
