Atyraý oblysynda jańa bes medıtsına mekemesi salynady
ATYRAÝ. QazAqparat - Atyraý oblysynda jańa bes medıtsına mekemesi salynady, dep habarlaıdy QazAqparat tilshisi.
«Qazirgi tańda oblysta feldsherlik-ambýlatorlyq pýnktter men dárigerlik ambýlatorııalardyń qurylysyna kiristik. Jańa medıtsınalyq mekemeler Isataı aýdany Naryn aýylynda, Mahambet aýdany Jalǵansaı aýylynda, Qyzylqoǵa aýdany Qarabaý aýylynda jáne qala syrtyndaǵy Tasqala kentinde boı kóteredi. Sondaı-aq, Qurmanǵazy aýdanynda 75 oryndyq jańa klınıkanyń qurylysy júrip jatyr», - dep habarlady Atyraý oblystyq densaýlyq saqtaý basqarmasynyń basshysy Mánshúk Aımurzıeva Óńirlik kommýnıkatsııalar qyzmetiniń brıfınginde.
M.Aımurzıevanyń aıtýynsha, feldsherlik-ambýlatorlyq pýnktter men dárigerlik ambýlatorııalardyń qurylysy ınvestorlardyq esebinen júrgiziledi.
