Atyraý oblysynda jalpy sany 19 adam zardap shekken tamaqtan ýlaný jaǵdaıy tirkeldi

Bul týraly QazAqparat Densaýlyq saqtaý mınıstrliginiń Memlekettik sanıtarlyq-epıdemıologııalyq qadaǵalaý komıtetine silteme jasap habarlaıdy.

«Ýlanýdy mamandar Qyzylqoǵa aýdanynyń Mııaly aýylyndaǵy astan qalǵan etti paıdalanýmen baılanystyrady.

Aǵymdaǵy jylǵy maýsymnyń 1-de zardap shekken 9 adam Atyraý qalasynyń ınfektsııalyq aýrýhanasyna jatqyzyldy, sondaı-aq tekserý men suraý arqyly belsendi is-sharalar júrgizý kezinde anyqtalǵan 10 naýqas Qyzylqoǵa aýdandyq aýrýhanasyna jatqyzyldy. Naýqastardyń jaǵdaıy jeńil jáne ortasha aýyr dárejesinde, barlyq zardap shekkender qajetti medıtsınalyq kómek alýda.Sanıtarııalyq qyzmettiń mamandary oshaqta epıdemııaǵa qarsy is-sharalar júrgizýde», delingen QR Densaýlyq saqtaý mınıstrligi baspasóz qyzmetiniń búgingi taratylǵan habarlamasynda.