Atyraý oblysynda zańsyz saqtalǵan 24 qarý tárkilendi
ATYRAÝ. QazAqparat – Atyraý oblysynda zańsyz saqtalǵan 24 qarý tárkilendi. Onyń ishinde tegis uńǵyly 15 atys qarýy bar, dep habarlaıdy QazAqparat.
Oblystyq polıtsııa departamentiniń baspasósz qyzmetinen málim etkendeı, 7 aqpannan «Qarý» jedel profılaktıkalyq is-sharasy ótip jatyr.
«Іs-shara kezinde qystaqta otyrǵan sharýa qojalyqtarynda, fermerlik jáne ańshylyq sharýashylyqtarynda qarýdy jáne oq-dárilerdi zańsyz saqtaý deregin anyqtaý úshin 148 reıdtik, 219 tekserý júrgizildi. Tekserý nátıjesinde saqtalǵan 24 qarý tárkilendi. Onyń tegis uńǵyly 15 atys qarýy, 6 travmatıkalyq tapansha, 3 elektrli qarý bar. Osyǵan baılanysty QR Qylmystyq kodeksiniń 287-babymen (Qarýdy, oq-dárilerdi, jarylǵysh zattardy jáne jarylys qurylǵylaryn zańsyz ıemdený, berý, ótkizý, saqtaý, tasymaldaý nemese alyp júrý) 8 qylmystyq is tirkeldi. Al, 11 adam QR Ákimshilik quqyqbuzýshylyq týraly kodeksiniń 482-babymen (Jeke jáne zańdy tulǵalardyń qarýdy zańsyz ıelenip alýy, berýi, ótkizýi, saqtaýy, alyp júrýi, tasymaldaýy) ákimshilik jaýapkershilikke tartyldy», -dep habarlady departamenttiń baspasóz qyzmeti.
«Qarý» jedel profılaktıkalyq is-sharasy ishki ister organdarynyń esebinde turǵan 4 540 azamattyq atys qarýlar ıesi tekseriilip, 163 ákimshilik quqyq buzýshylyq tirkeldi. Biriktirilgen derekter bankiniń «Krımınaldyq qarý» esebinde «Meken-jaıy anyqtalmaǵan» sanatymen turǵan 3, «Joǵalǵan qarý» sanatymen tegis uńǵyly 3 atys qarýy anyqtaldy.
Eske sala ketelik, buǵan deıin Atyraýda zańsyz aınalymnan 8 qarý tárkilengen bolatyn.
