Atyraý oblysynda zańsyz qarý saqtaǵan 6 adam qylmystyq jaýapkershilikke tartyldy
Oblystyq Polıtsııa departamenti baspasóz qyzmetiniń málimetinshe, 17 mamyrdan beri «Qarý» jedel-profılaktıkalyq is-sharasy ótip jatyr.
«Polıtsııa qyzmetkerleri Atyraý qalasy aýmaǵyndaǵy 79 qystaq pen 2 641 qarý ıesin tekserdi. Osy kezge deıin 222 quqyq buzýshylyq anyqtalyp, 132 qarý tárkilendi. Onyń ishinde 120 tegis uńǵyly ańshylyq, 5 ıir oıyqty qarý men 7 gaz tapanshasy bar. Qarýdy zańsyz saqtaǵany úshin 6 adam qylmystyq jaýapkershilikke tartyldy», - dep habarlady departamenttiń baspasóz qyzmetinen.
Sondaı-aq, 191 adamǵa qatysty QR Ákimshilik quqyqbuzýshylyq týraly kodeksiniń 484-babymen (Azamattyq, qyzmettik, marapattyq, kollektsııalyq qarýdy, onyń patrondaryn ıelený, berý, esepke alý, saqtaý, paıdalaný, tasymaldaý, Qazaqstan aýmaǵyna ákelý, Qazaqstan aýmaǵynan áketý jáne QR aýmaǵy arqyly tranzıtpen ótkizý tártibin buzý), 31 azamatqa qatysty atalǵan kodekstiń 486-babymen (Azamattyq, qyzmettik, marapattyq, kollektsııalyq qarýdy tirkeý (qaıta tirkeý) ne ony esepke qoıý tártibin buzý) ákimshilik hattama toltyrylǵan.
Eske sala ketelik, budan buryn Atyraýda 29 jastaǵy jigit áleýmettik jeli arqyly qarý satpaq bolǵanyn, al, bir turǵyn atasynyń eski qarýyn polıtsııaǵa tapsyrǵanyn habarlaǵan bolatynbyz.