Atyraý oblysynda zańsyz balyq aýlýǵa ruqsat bergen ınspektorlar ustaldy

NUR-SULTAN. QazAqparat - Sybaılas jemqorlyqqa qarsy is-qımyl agenttiginiń Atyraý oblysy boıynsha departamenti «Jaıyq-Kaspıı oblysaralyq basseındik balyq sharýashylyǵy ınspektsııasy» RMM ınspektorlarynyń para alý faktisin anyqtady, dep habarlaıdy QazAqparat departamenttiń baspasóz qyzmetine silteme jasap.

Baspasóz qyzmetiniń málimetterine qaraǵanda, balyq sharýashylyǵy ınspektorlary Soltústik Kaspııdiń erekshe qorǵalatyn tabıǵı aımaǵyna balyqty zańsyz aýlaý úshin kedergisiz ótýin qamtamasyz etip, sondaı-aq brakonerlerge qamqorlyq kórsetken.

Qazirgi tańda osy is boıynsha tergeý júrip jatyr.

Osy jyldyń sáýir aıynda Atyraý stantsııasyndaǵy jelilik polıtsııa bóliminiń qyzmetkerleri 4,6 kg salmaqtaǵy eki bekireni alyp bara jatqan turǵyndy ustaǵan. Qylmys jasaǵandardy jaýapqa tartpaý úshin quqyq qorǵaýshylar 50 myń teńge kóleminde para alǵan. Polıtsııa qyzmetkerlerine ataǵynan aıyrylyp 1,7 mln teńge kóleminde aıyppul salyndy.

Bir jyl buryn Atyraý oblysy Polıtsııa departamentiniń qyzmetkerin áshkerelep, kásipkerlik qyzmetti kedergisiz júzege asyrǵany jáne jalpy qamqorlyǵy úshin ishinara balyq aýlaýmen jáne satýmen aınalysatyn JShS dırektorynan 1,5 mln teńge kóleminde para alǵan.

«Jasaǵan qylmystyq is úshin polıtseı 3 jyl 6 aı bas bostandyǵynan aıyrylyp, memlekettik qyzmette qyzmet atqarý quqyǵynan aıyrý jáne ataqtan aıyrý jazasyna tartyldy»,-delingen habarlamada.