Atyraý oblysynda zańsyz 34 polıgon anyqtaldy
Atyraý oblystyq Ekologııa departamenti memlekettik ekologııalyq baqylaý bóliminiń bas mamany Ramazan Salyqtyń aıtýynsha, ruqsat etilmegen qoqys alańdary «Qazaqstan ǵarysh sapary» AQ túsirilimine monıtorıng kezinde anyqtalǵan.
«Byltyr «Qazaqstan ǵarysh sapary» UQ» AQ-nyń deregine sáıkes Atyraý oblysynda ruqsatsyz qaldyq tógilgen 131 oryn anyqtalǵan edi. Onyń ishinde tórteýi Mahambet aýdanynda, 58-i Jylyoı aýdanynyń ortalyǵy – Qulsary qalasynda, ekeýi Maqat aýdanynda, al 67 alań Atyraý qalasynnyń aýmaǵynda tirkeldi. Mahambet aýdanynda – 3, Atyraý qalasynda – 3, Jylyoı aýdanynda 1 qoqys alańynyń aýmaǵy ruqsat etilgen shekaradan tysqary shyqqany belgili boldy», - dep habarlady Ramazan Salyq.
Onyń málimetine súıensek, bıylǵy jyl basynan ruqsat etilmegen 34 qoqys alańy anyqtalyp otyr: 31-i Atyraý qalasynda, úsheýi Jylyoı aýdanynyń aýmaǵynda ornalasqan.
«Jergilikti bıýdjetten qarajat bólinip, Atyraý qalasynyń aýmaǵynda ruqsat etilmegen qoqys alańdaryn «Arnaıy avtobaza» JShS tazartty. Jylyoı aýdanynda mundaı jumysty «Eko Qala» JShS atqardy», - dep málim etti Ramazan Salyq.
Eske salaıyq, Atyraý oblysynda 55 qoqys polıgonynyń tek 8-i ekologııalyq jáne sanıtarlyq normalarǵa sáıkes keletinin jazǵan edik.
