Atyraý oblysynda zańdy tulǵalarǵa jylý tarıfiniń baǵasy kóterildi

ATYRAÝ. QazAqparat- Jańa jyldan bastap Atyraý oblysynda zańdy tulǵalarǵa tarıf baǵasy qymbattady, dep habarlaıdy QazAqparat tilshisi.

Aımaqtyń tabıǵı monopolııalardy retteý departamentinde málimdegendeı, 1 qańtardan bastap jylý tutynatyn zańdy tulǵalar eki topqa bólingen: bıýdjettik mekemeler men basqa da tutynýshylar. 2020 jyldyń 1 qańtarynan «basqa tutynýshar» tobyndaǵylarǵa ortasha aılyq tarıf Gkalyna - 13 157, 28 teńge (ósim - 7%). Sonymen qatar, jylý eseptegishi bar tutynýshylarǵa - 11 887,41 teńge (ósim - 7%), joqtarǵa - 19 735,93 teńge (ósim - 7%). Eski, apatty ǵımarattar men baraq tárizdi salynǵan úılerge ortasha tarıf - 13 157,28 teńge (ósim - 13%).

Bıýdjettik uıymdar úshin ortasha tarıf Gkalyna 13 526, 17 teńgeni qurady. Jylý esepteýishi barlarǵa - 12 220,7 teńge, ósim 10%. Esepteýishi joqtarǵa – 20 289,27 teńge (ósim 10%). Jylý esepteýishi joq eski, apatty ǵımarattar men baraq túrinde salnǵan úılerdegi ortasha baǵa - 13 526, 17 teńge (ósim - 6%).

Esterińizge sala keteıik, Jańa jyl qarsańynda Atyraýda jylý energııasy tarıfiniń ósýine baılanysty turǵyndarǵa qoǵamdyq tyńdaýlar ótýi kerek bolatyn. Biraq monopolıst qajetti qujattardyń barlyǵyn usyna almaǵandyqtan toqtatyldy.

Avtor:A. Sokolov