Atyraý oblysynda vaktsınanyń І komponentin saldyrǵandar 241 myńnan asty
Oblystyq densaýlyq saqtaý basqarmasy baspasóz qyzmetiniń málimetinshe, ótken táýlik – 4 qarashada vaktsınalardyń І komponentin 449 adam ektirgen.
«Atyraý oblysynda turǵyndarǵa vaktsına saldyrýdyń mańyzy týraly túsindirý jumysy udaıy júrgizilip keledi. Sonyń nátıjesinde bıylǵy 1 aqpan men 4 qarasha aralyǵyndaǵy kezeńde 241 823 adam Covid-19 ınfektsııasyna qarsy vaktsınalardyń I komponentin ektirdi. Onyń ishinde ishinde 14 myńnan astam pedagog pen 6 myńnan asa stýdent, 7 myńnan astam medıtsına qyzmetkeri bar. Buǵan qosa, quqyq qorǵaý organdarynyń 3 664 ókili men 1 994 polıtsııa qyzmetkeri vaktsına saldyrdy. Al, vaktsınalardyń II komponentin alǵan atyraýlyq turǵyndardyń sany 218 551-di qurady» -dep habarlady basqarmanyń baspasóz qyzmeti.
Eske sala ketelik, buǵan deıin Atyraý oblysynda 7,6 myń medıtsına qyzmetkeri vaktsına alǵanyn habarlaǵan bolatynbyz.