Atyraý oblysynda vaktsınanyń І komponentin alǵandar sany 113 myńnan asty
ATYRAÝ. QazAqparat – Atyraý oblysynda koronavırýs ınfektsııasyna qarsy vaktsınalardyń І komponentin alǵandar sany 113 myńnan asty, dep habarlaıdy QazAqparat.
Oblystyq Densaýlyq saqtaý basqarmasynyń baspasóz qyzmetinen málim etkendeı, keshe, 10 shildede «Spýtnık V», «QazVac», «Hayat-Vax» vaktsınalarynyń I komponentin 2 556 atyraýlyq saldyrǵan.
Vaktsına alǵandardyń arasynda 124 pedagog, 57 dáriger, 56 stýdent, 23 memlekettik qyzmetshi, arnaıy mekemelerdiń 9 ókili bolǵan. Sondaı-aq, qaýipti vırýsqa qarsy vaktsınalardy 1 polıtseı, quqyq qorǵaý organdarynyń 1 qyzmetkeri, 361 sozylmaly aýrýy bar 361 patsıent pen jergilikti 1 924 turǵyn alǵan.
«Bıylǵy 1 aqpan-10 shilde aralyǵynda 113 798 adam vaktsınalardyń I komponentin ektirdi. Vaktsınalardyń II komponentin alǵandar sany 60 410 adamǵa jetti» -dep habarlady basqarmanyń baspasóz qyzmeti.
Eske sala ketelik, buǵan deıin Atyraý oblysynda bir kúnde 3 769 adam vaktsına saldyrǵan bolatyn.
