Atyraý oblysynda vaktsınanyń eki komponentin saldyrǵandar 139 myńnan asty
Oblystyq densaýlyq saqtaý basqarmasy baspasóz qyzmetiniń málimetinshe, sońǵy úsh
kúnde 3 687 adam vaktsınalardyń І komponentin saldyrǵan.
«Óńirge bıylǵy 1 aqpannan beri koronavırýs ınfektsııasyna qarsy vaktsınalardyń I
komponentine arnalǵan 235 295, al, ІІ komponent úshin 182 720 doza jetkizildi. 1 aqpan
men 30 tamyz aralyǵynda 192 979 atyraýlyq vaktsınalardyń І komponentin ektirdi.
Vaktsınalardyń ІІ komponentin saldyrǵandar sany 139 279 adamǵa jetti», -dep málim etti
basqarmanyń baspasóz qyzmetinen.
Osy kezge deıin vaktsına ektirgenderdiń arasynda 13 048 pedagog, 7 188 medıtsına
qyzmetkeri, quqyq qorǵaý organdarynyń 3 511 ókili, 2 511 memlekettik qyzmetshi, 1 183
polıtseı men 4 702 stýdent bar. Sondaı-aq sozylmaly syrqaty bar 12 644 patsıent,
arnaıy mekemelerdiń 978 qyzmetkeri men 147 135 turǵyn vaktsına alǵan.
Eske sala ketelik, buǵan deıin Atyraýda bir aptada Vero Cell vaktsınasyn 1,7 myń adam
saldyrǵanyn habarlaǵan bolatynbyz.
