Atyraý oblysynda vaktsına saldyrǵandar sany 90 myńnan asty
ATYRAÝ. QazAqparat – Atyraý oblysynda koronavırýs ınfektsııasyna qarsy vaktsına saldyrǵandar sany 90 myńnan asty, dep habarlaıdy QazAqparat.
Oblystyq densaýlyq saqtaý basqarmasy baspasóz qyzmetiniń aqparatyna qaraǵanda, keshe, 2 shildede «Spýtnık V», «QazVac», «Nayat-Vax» vaktsınalarynyń I komponentin 3 177 adam saldyrǵan.
Onyń ishinde 185 dáriger, 262 pedagog, 53 stýdent, arnaıy mekemelerdiń 61, quqyq qorǵaý organdarynyń 11 qyzmetkeri, 45 memlekettik qyzmetshi, sozylmaly syrqatqa shaldyqqan 164 adam men 2 396 turǵyn bar.
«Elimizde jappaı vaktsınatsııa bastalǵan 1 aqpannan 2 shildege deıin 90 730 atyraýlyq qaýipti vırýsqa qarsy vaktsınanyń І komponentin saldyrdy. Vaktsınanyń II komponentin 50 343 adam ektirdi», -dep habarlady basqarmanyń baspasóz qyzmeti.
Eske sala ketelik, budan buryn Atyraý oblysynda bir kúnde 2 183 adam vaktsına alǵan edi.
