Atyraý oblysynda vaktsına saldyrǵan adamdar sany 44 myńnan asty
ATYRAÝ. QazAqparat – Atyraý oblysynda vaktsına saldyrǵan adamdar sany 44 myńnan asty, jep habarlaıdy QazAqparat.
Oblystyq densaýlyq saqtaý basqarmasy baspasóz qyzmetiniń aqparatyna qaraǵanda, Atyraýda demalys kúnderi – 15-16 mamyrda 812 turǵyn koronavırýsqa qarsy vaktsına alǵan.
«Bıylǵy 1 aqpan-17 mamyr aralyǵynda 44 707 adam «Spýtnık V», «Qazvac», «Hayat-Vax» vaktsınalarynyń I komponentin saldyrdy. Vaktsınalardyń II komponenti 14 486 adamǵa egildi. Qazir óńirde 36 statsıonarlyq, 10 jyljymaly vaktsınalaý beketi jumys isteıdi» -dep málim etti basqarmanyń baspasóz qyzmetinen.
Eske sala ketelik, buǵan deıin Atyraý oblysynda 40 myńǵa jýyq adam vaktsına saldyrǵanyn habarlaǵan edik.
