Atyraý oblysynda úsh kúnde jol erejesi 644 márte buzylǵan
ATYRAÝ. QazAqparat – Atyraý oblysynda úsh kúnde jolda júrý erejesi 644 ret buzylǵan. Mas kúıde rýlge otyrǵan 10 adam ustaldy, dep habarlaıdy QazAqparat.
Oblystyq polıtsııa departamentiniń baspasóz qyzmetinen málim etkendeı, 4-6 naýryz aralyǵynda óńir aýmaǵynda «Mas júrgizýshi – qylmysker» reıdi ótken.
«Bul is-sharany ótkizýdegi maqsat – mas kúıde rýlge otyratyndardy, kólik júrgizý quqyǵynan aıyrylǵan júrgizýshilerdi anyqtaý. Olardyń qatysýymen bolýy múmkin jol-kólik oqıǵalarynyń aldyn alý. Úsh kúnge sozylǵan is-shara kezinde 644 jolda júrý erejesin buzǵan 644 derek anyqtaldy. Kólik quralyn mas kúıde basqarǵan 10, júrgizýshi kýáliginen aıyrylǵan 1 adam ustaldy», -deıdi polıtsııa departamentiniń bastyǵy, polıtsııa polkovnıgi Nurhat Orazbaev.
Eske sala ketelik, buǵan deıin Atyraý oblysynda zańsyz saqtalǵan 24 qarý tárkilengenin jazǵan edik.
