Atyraý oblysynda úsh kúnde koronavırýs juqtyrǵandar 46 paıyzǵa ósken
ATYRAÝ. QazAqparat – Atyraý oblysynda úsh kúnde koronavırýs juqtyrǵandar 46,8 paıyzǵa ósken, dep habarlaıdy QazAqparat.
Oblystyq Densaýlyq saqtaý basqarmasynyń basshysy Ashan Baıdýálıevtyń aıtýynsha, qaýipti vırýstyń taralý kórsetkishi ósýine baılanysty 520 rezervtik tósek-oryn daıyndalǵan. Onyń ishinde 20 tósek-oryn jansaqtaý bólimine bólingen.
«Sońǵy úsh kúnde koronavırýs ınfektsııasyn juqtyrǵandar sany 46,8%-ǵa artyp otyr. Máselen, 8 shildede 154 jaǵdaı tirkelse, 11 shildede 290 adam qaýipti vırýsty juqtyrǵan. Sońǵy bir aptada Atyraýda syrqattanýshylyqtyń ósýine baılanysty rezervten 330 ınfektsııalyq tósek-oryn paıdalanýǵa berildi. OQazir oblystaǵy ınfektsııalyq tósek-orynnyń jalpy sany 2 428 quraıdy», - deıdi Ashan Baıdýálıev.
Onyń málimetine súıensek, 408 tósek-orynǵa arnalǵan karantındik statsıonar jumys istep tur.
Koronavırýs ınfektsııasyna shaldyqqan naýqastar sanynyń kúrt ósetin bolsa, birneshe aýrýhanadan ınfektsııalyq statsıonar ashýdy kózdep otyrmyz. Naqtylaı aıtqanda, oblystyq aýrýhanada 50, temir jol aýrýhanasynda 120, Mahambet aýdanyndaǵy ftızıopýlmonologııa ortalyqta 150, sondaı-aq, jataqhananyń birinde ınfektsııalyq 200 oryndyq statsıonar ashylady», - deıdi Ashan Baıdýálıev.
Eske sala ketelik, budan buryn Atyraý oblysynda 1 658 naýqas koronavırýstan emdelip jatqanyn habarlaǵan edik.
