Atyraý oblysynda úsh kolledj jataqhanasy paıdalanýǵa berildi
ATYRAÝ. QazAqparat – Atyraý oblysynda úsh kolledj jataqhanasy paıdalanýǵa berildi, dep habarlaıdy QazAqparat oblystyq bilim basqarmasynyń baspasóz qyzmetine silteme jasap.
Óńirde Elbasy–Tuńǵysh Prezıdenttiń bes áleýmettik bastamasy aıasynda úsh jataqhana boı kótergen. Sonyń biri –Inder aýdanyndaǵy kópbeıindi aýyl sharýashylyq kolledjiniń 100 oryndyq jataqhanasy. Tórt qabatty jańa ǵımaratta eki orynǵa arnalǵan 12, úsh oryndyq 15, tórt adamǵa eseptelgen 4 jatyn bólme bar. Ár bólme zaman talabyna saı qajetti jıhazdarmen jabdyqtalǵan. Sondaı-aq, ashana jáne kir jýatyn orynda qarastyrylǵan.
Ekinshisi – Atyraý energetıka jáne qurylys kolledjiniń stýdentteri úshin salynǵan 100
oryndyq jataqhana. Tórt qabatty ǵımarat qajetti jabdyqpen qamtamasyz etilgen.
Úshinshi jataqhana Jylyoı aýdanyndaǵy S.Ótebaev atyndaǵy munaı jáne gaz
tehnologııalyq kolledjinde ashylǵan. Bul jataqhana 60 orynǵa eseptelgen. Munda da
jańa jıhazdar, tósek oryn, tońazytqysh, teledıdar, beınekamera, stýdentterge arnalǵan
kitaphana, ashana, demalys zaly, salaýatty ómir saltyn ustaný maqsatynda sporttyq alań
bar.
Aıta keter jaıt, bularda stýdenttermen birge, kolledjderde jumys isteıtin oqytýshylardyń
jas otbasylary tura alady.
«Óńirdegi 24 tehnıkalyq jáne kásiptik kolledjde 15 myńnan astam stýdent bilim
alýda. Basqa aımaqtan kelgen stýdentter men oqytýshylar úshin jataqhana máselesi
mańyzdy bolyp otyr. Osyǵan oraı 2022 jylǵa deıin jataqhanaǵa suranysty tolyq
sheshýdi kózdep otyrmyz», - deıdi oblystyq bilim basqarmasynyń basshysy Satqan
Esenǵalıev.
Eske sala ketelik, budan buryn Táýelsizdik kúni qarsańynda Atyraýda 100 oryndyq
jataqhana ashylǵanyn habarlaǵan bolatynbyz.
