Atyraý oblysynda ulttyq qolónerdi qaıta jańǵyrtqan otbasy turady
On saýǵanyna óner tamǵan Zoıa, Zına jáne Raıa Qýanyshqalıevalar Mahambet aýdanynyń Beıbarys aýylynda turady. Olar merınos qoıynyń júninen kıiz basyp, qolóner buıymdaryn jurtshylyqqa usynyp otyr.
Al, olardyń aǵasy Bólekbaı – aǵash sheberi. Qýanyshqalıevter otbasyna mundaı óner ata-anasynan daryǵan. Qazir olar memleketten grant alyp, umyt bola bastaǵan ulttyq qundylyqtardy qaıta jańǵyrtýǵa jumystanyp júr.
«Bizge qolóner anamyzdan daryǵan. Anamyz tekemet basyp, terme alasha men kıimder toqıtyn edi. Úlken apaıymyz Zoıa anamyzdan mıras bolǵan ulttyq ónerdi bizge úıretip júr. Onyń maqsaty – ájelerimizden búgingi kúnge jetken asyl ónerdi, ulttyq qundylyǵymyzdy dáripteý. Al, sińlim Raıa – tiginshi. Ózi perdeler tigip, qolónermen aınalysady. Ákemizden uldarǵa aǵash sheberligi daryǵan. Ákemiz kóziniń tirisinde mal sharýashylyǵymen aınalysa júrip, aǵashtan túrli buıymdar jasaýshy edi. Onyń osy isin aǵamyz Bólekbaı jalǵastyryp keledi», -deıdi Zına Qýanyshqalıeva.
Qolóner sheberiniń aıtýynsha, qazir kıizden jasalǵan buıymdarǵa suranys arta túsken. Zına Qýanyshqalıevanyń kúıeýi Asylbek Rahmetov te – aǵash sheberi. Eki qyzy Aıdana men Aıagóz tigin tigý, qolóner buıymdaryn jasaýmen aınalysady.
Eske sala ketelik, budan buryn Atyraýlyq sheber Nurlybek Bısembaev aıyna 100 dombyra jasaıtynyn jazǵan bolatynbyz.