Atyraý oblysynda ÚIID baǵdarlamasy aıasynda 1,4 trln. teńgeniń 34 jobasy iske asyrylýda
Bul týraly búgin Astanada QR Prezıdenti janyndaǵy Ortalyq kommýnıkatsııalar qyzmetinde ótken baspasóz máslıhatynda Atyraý oblysynyń ákimi Baqtyqoja Іzmuhambetov málim etti.
«Atyraý oblysynda jalpy kólemi 1,4 trln. teńge bolatyn údemeli ındýstrııalyq-ınnovatsııalyq damý memlekettik baǵdarlamasynyń 34 jobasy iske asyrylýda. Onyń aıasynda 4,5 myńnan astam jańa jumys orny ashylady», - dedi óńir ákimi.
Onyń atap ótkenindeı, jyl basynan beri Indýstrııalandyrý kartasy sheńberinde oblysta 9 joba engizildi. Jospar boıynsha taǵy 5 jobany iske asyrý kózdelýde. Bıyldyń ózinde quny 6 mlrd. teńge bolatyn armatýra shyǵarý zaýyty paıdalanýǵa berilgen. Kelesi jyly óńirdegi qarqyndy qurylys salasynyń damýyna oraı turǵyn úı qurylysy kombınatyn salý mejelenip otyr.
«Ónerkásiptik saıasattyń negizgi mindetterin tıimdi atqarý úshin oblysta munaı-hımııa klasterin qurý qarastyrylǵan. Qazirgi tańda onyń bastapqy alǵysharttary bar. Oblys aýmaǵynda gaz-hımııa zaýyty salynýda. Sonymen qatar Atyraý munaı óńdeý zaýytynda hosh ıisti kómirsýtekterin óndirý kesheniniń qurylysy bastaldy», - deıdi B.Іzmuhambetov.
