Atyraý oblysynda ýaqytsha turý úshin 12789 sheteldikke ruqsat berildi
Atyraý oblystyq polıtsııa departamentiniń baspasóz qyzmetinen málim etkendeı, sheteldikterdiń arasynda elimizdiń kóshi-qon zańdylyǵyn buzatyndar bar.
«Polıtsııa departamenti jyl basynan beri oblys aýmaǵyndaǵy kóshi-qon qozǵalysyn baqylaý úshin qajetti is-sharalar qabyldady. Osyǵan oraı kóshi-qon qyzmetiniń jumysy sheteldikter arasynda ákimshilik quqyq buzýshylyqtyń aldyn-alýǵa baǵyttaldy. Osy oraıda «Mıgrant» jedel-profılaktıkalyq is-shara ótkizilip, zańsyz kelýdi, turýdy, kóshi-qon salasy boıynsha qylmystardy, zańsyz kóship-qonýshylardyń arnalaryn anyqtaýǵa arnaldy. Bıyl Atyraý oblysynda ýaqytsha turý úshin 12786 sheteldikke ruqsat berildi. Onyń ishinde 2514 adam alys shetelderden kelgen. Al, TMD elderinen kelgender sany 10272 adamdy quraıdy. Sheteldikterdiń arasynan kóshi-qon zańdylyǵyn buzǵany úshin 2227 adam ákimshilik jaýapkershilikke tartyldy. Elimizdiń aýmaǵynan 54 sheteldik tysqary shyǵaryldy», -dep habarlady departamenttiń baspasóz qyzmeti.
Kóshi-qon zańdylyǵyn buzǵan sheteldikterge 6 mln 437 myń 331 teńge aıyppul salynǵan. Aıyppul tolyqtaı óndirilgen.
«Sheteldikterge Qazaqstan Respýblıkasynda turaqty turý maqsatynda qonystaný yqtııarhat kýáligin jáne azamattyǵy joq tulǵanyń tólqujatyn daıyndaý úshin 189 formýlıarlary rásimdeldi. Qazaqstan Respýblıkasynyń azamattyǵyn jeńildetilgen tártippen 110 adam aldy. El azamattyǵyn alýǵa ótinish bildirgen 17 adamnyń is-qujattary Іshki ister mınıstrligine joldandy», -dep málim etti departamenttiń baspasóz qyzmeti.
Eske sala ketelik, buǵan deıin Tórt jyl buryn joǵalǵan ózbekstandyq Atyraý oblysynan tabylǵanyn jazǵan edik.