Atyraý oblysynda tuzdy kólge barýǵa tyıym salyndy
ATYRAÝ. QazAqparat –Atyraý oblysynyń Inder aýdanyndaǵy tuzdy kól men jasandy karerlerge barýǵa ýaqytsha tyıym salyndy. Bul týraly aýdandyq ákimdik aqparat taratty, lep habarlaıdy QazAqparat.
«Atyraý oblysynyń bas memlekettik sanıtarııalyq dárigeriniń qaýlysyna sáıkes, demalýshylardyń shamadan tys jınalýyna baılanysty 28 shildeden bastap Inder aýdanynyń aýmaǵyndaǵy tuzdy kólge jáne jasandy karerlerge barýǵa ýaqytsha tyıym salynady», delingen aqparatta.
Bul kól aýdan ortalyǵy –Inderbor kentinen 12, al, «Inder-Qarabaý» tas jolynan 1,5 shaqyrym qashyqta ornalasqan. Mamandardyń aıtýyna qaraǵanda, kól jyl saıyn jer asty sýlarymen aǵyp keletin 1,5 mln tonna tuzdy eritindimen tolyǵady. Sý quramynda 22 túrli hımııalyq element bar. Tereńdigi 50 metrden asady. Jalpy aýmaǵy 110,5 sharshy shaqyrymdy, uzyndyǵy 40 kılometrdi quraıdy.
«Bul kóldiń atyn áıgilegen ári paıdalysy –tuzdy sý. Onyń quramynda 22 túrli mıkroelement bar. Eń baǵalysy – bor, kalıı, brom, magnıı. Sonyń ishinde bor – óte sırek kezdesetin element. Ony atom energetıkasynda da qoldanady», -deıdi QR Ulttyq ǵylym akademııasynyń akademıgi Muftah Dıarov.
Eske sala ketelik, budan buryn Atyraý oblysynda karantın 3 tamyzǵa deıin sozylǵan edi.
