Atyraý oblysynda turmysy tómen otbasylarǵa turǵyn úı berildi
Mahambet aýdanynda «Nur Otan» partııasynyń saılaýaldy baǵdarlamasyn oryndaý maqsatynda kópbalaly úsh otbasyǵa, sondaı-aq, jetim jáne ata-anasynyń qamqorlyǵynsyz qalǵan jasóspirimderge, zeınetkerge, tolyq emes otbasylarǵa jańa baspananyń kilti berildi. Іs-sharaǵa oblys ákiminiń orynbasary Qaırat Bekenov qatysyp, baspanaly bolǵandardyń qýanyshyn bólisti.
«Oblysta arnaıy baǵdarlamalar aıasynda túrli jobalar iske asyrylyp jatyr. Máselen, bıyl Mahambet aýdanynda birneshe jobany júzege asyrý úshin 4 mlrd-tan astam qarjy bólindi. Onyń ishinde aýyldarǵa jol, sport nysandaryn salý, ınjenerlik ınfraqurylymdardy, memlekettik baǵdarlama sheńberinde az qamtylǵan otbasylardy turǵyn úımen qamtý sekildi jobalar bar», -dedi Qaırat Bekenov.
Eki páterlik turǵyn úıdiń kilti Eleonora Aıýsına men Móldir Aımaǵambettiń otbasylaryna berildi. Jańa páterler kógildir otynǵa qosylǵan. Elektr energııasy men sý jelileri tartylǵan.
Eske sala ketelik, buǵan deıin Atyraýdyń Qurmanǵazy aýdanynda 60 páterlik turǵyn úı paıdalanýǵa berilgenin habarlap edik.
