Atyraý oblysynda tumaýǵa qarsy vaktsınatsııa qazan aıynda bastalady
ATYRAÝ. QazAqparat –Atyraý oblysynda tumaýǵa qarsy ekpeniń 60 myńǵa jýyq dozasy bar. Bul týraly oblystyq Densaýlyq saqtaý basqarmasynyń basshysy Nurlybek Qabdyqaparov málim etti, dep habarlaıdy QazAqparat.
Onyń aıtýynsha, kún sýytqan kezde koronovırýs ınfektsııasy vırýstyq aýrýlarmen birge órshýi múmkin. Sol sebepten, sozylmaly aýrýy bar azamattar profılaktıka retinde salynatyn tumaýǵa qarsy ekpeni alǵany jón.
«Tumaýǵa qarsy ekpe negizinen sozylmaly aýrýǵa shaldyqqan naýqastarǵa, júkti áıelderge, balalar men medıtsına qyzmetkerlerine salynady. Qazir oblysta tumaýǵa qarsy ekpeniń 60 myńǵa jýyq dozasy bar. Tumaýǵa qarsy ekpe qazan aıynan bastap salynady. Sonymen birge, qazir dıfterııa, týberkýlez, pnevmokokk, polıomıelıt ınfektsııalaryna jáne taǵy da basqa ekpeler emhanalarda josparly kestege sáıkes salyna bastady», - dedi Nurlybek Qabdyqaparov.
Budan buryn Atyraý oblysynyń emhanalary josparly emdeýdi bastaǵanyn jazǵan bolatynbyz.
