Atyraý oblysynda Toyota aýdarylyp, júrgizýshi men jolaýshy mert boldy
ATYRAÝ. QazAqparat – Atyraý oblysynda Toyota aýdarylyp, júrgizýshi men jolaýshy oqıǵa ornynda mert boldy, dep habarlaıdy QazAqparat tilshisi.
Atyraý oblystyq polıtsııa departamenti baspasóz qyzmetiniń málimetine súıensek, jol-kólik oqıǵasy 3 qyrkúıekte bolǵan.
«Atyraý-Inder tas jolynyń 18-shaqyrymy tusynda Toyota avtokóligi aýdarylyp qaldy. Jol-kólik apatyna 1998 jylǵy júrgizýshiniń kólikti basqarý júıesin ıgere almaǵany sebep bolǵany anyqtaldy. Oqıǵa ornynda júrgizýshi men 26 jastaǵy jolaýshy alǵan dene jaraqaty saldarynan kóz jumdy», -dep habarlady departamenttiń baspasóz qyzmeti.
Belgili bolǵandaı, polıtsııa qyzmetkerleri jol jıegine aýdarylǵan avtokóliktiń júrgizýshisine atalǵan tas joldyń 17-shaqyrymy tusynda eskertý jasaǵany anyqtalyp otyr.
Eske sala ketelik, budan buryn Atyraý oblysynda jol apatynan bir adam kóz jumyp, altaýy aýrýhanaǵa jetkizilgenin jazǵan bolatynbyz.
Dossor-Qulsary-Beıneý tasjolynyń 48-shaqyrymy tusynda Toyota Camry men Lada Priora avtokóligi soqtyǵysqan. Jol apatynyń saldarynan Lada Priora avtokóliginiń júrgizýshisi oqıǵa ornynda mert boldy. Al, Toyota Camry avtokóliginiń júrgizýshisi men 4 jolaýshysy, Lada Priora kóliginiń bir jolaýshysy Maqat aýdandyq aýrýhanasyna jetkizildi.
Sondaı-aq, sıyrǵa, sosyn júk kóligine soǵylǵan Toyota Camry júrgizýshisi mert bolǵanyn jazǵan edik.
Aqtóbe-Atyraý-Reseı shekarasy (Astrahan baǵyty) tas jolynyń 430-shaqyrymy tusynda Toyota Camry avtokóligi áýeli joldan ótip bara jatqan sıyrdy qaǵyp ketken. Sodan soń soqqy ekpinimen qarsy jolaqta kele jatqan Mercedes júk kóligimen túıisken. Jol-kólik oqıǵasynyń saldarynan Toyota Camry avtokóliginiń 1988 jylǵy júrgizýshisi dene jaraqatyn alyp, oqıǵa ornynda mert boldy. Jeńil kóliktegi 2 jolaýshy ártúrli dene jaraqatyn aldy.
Foto: Atyraý oblystyqq polıtsııa departamenti
