Atyraý oblysynda tótenshe jaǵdaı rejımin buzǵan saýna ıesi qamaldy
ATYRAÝ. QazAqparat – Atyraý oblysynda tótenshe jaǵdaı rejımin buzýdyń 108 deregi tirkeldi, dep habarlaıdy QazAqparat.
Bul derekterdiń arasynda molyraq tabys tabýdy kózdegen tulǵalar bar bolyp shyqty. Máselen, bir saýnanyń ıesi karantın talaptaryn saqtamaı, jumysyn jalǵastyra bergen. Sot sheshimimen saýna ıesi bes táýlikke qamaldy.
Al, Isataı aýdanynda shekteý sharalaryna baılanysty bekitilgen ýaqyttan tys kezde qonaq qabyldaǵan dámhananyń jumysy áshkerelengen. Mundaı derek Atyraý qalasyndaǵy ashanalardyń birinde de anyqtalǵan. I.Taımanov kóshesinde ornalasqan ashanaǵa kelýshilerdiń arasynan 6 adamǵa ákimshilik is qozǵalǵan.
«Óıtkeni, olar qoǵamdyq orynda mas kúıde bolǵany,e polıtsııa qyzmetkerine baǵynbaǵany úshin jaýapqa tartylyp otyr. Sondaı-aq, blokposttardy aınalyp ótýge qatysty 10 derek tirkeldi. Qazirgi tańda 86 ákimshilik is boıynsha sot sheshimi shyqty. Al, 22 ákimshilik is qaralyp jatyr», - dep habarlady óńirlik kommýnıkatsııalar qyzmeti.
