Atyraý oblysynda tórt kúnde kóshi-qon zańnamasyn buzǵan 546 sheteldik anyqtaldy
ATYRAÝ. QazAqparat – Atyraý oblysynda tórt kúnde kóshi-qon zańnamasyn buzǵan 546 sheteldik anyqtaldy, dep habarlaıdy QazAqparat.
Oblystyq polıtsııa departamentiniń bastyǵy, polıtsııa polkovnıgi 10-17 naýryz aralyǵynda «Mıgrant» jedel-profılaktıkalyq is-sharasy ótip jatyr.
«Іs-sharanyń tórt kúninde kóshi-qon zańdylyǵyn buzǵan 546 sheteldik anyqtaldy. Kóshi-qon zańnamasynyń talaptaryn buzǵan sheteldikterdi qabyldaǵan 108, sheteldik jumys kúshin zańsyz paıdalanǵan 15 adam ákimshilik jaýapkershilikke tartyldy. El aýmaǵynan sheteldik 17 azamaty shyǵaryldy. Qabyldaý-taratý ornyna májbúrli túrde shyǵarý úshin 2 adam qamaýǵa alyndy. Memleketaralyq izdeýde júrgen Ózbekstan Respýblıkasynyń eki azamaty ustaldy. Onyń biri – 1967 jylǵy áıel Ózbekstan Respýblıkasy Qylmystyq kodeksiniń 168-babynyń 3-bóligimen alaıaqtyq qylmysyn jasady degen aıyppen izdeýde bolǵan. Al, ekinshisi – ózbekstandyq 28 jastaǵy jigitke QR Qylmystyq kodeksiniń 122-babynyń 1-bóligimen izdeý jarııalanǵan. Ol Jańaózen qalasynda 16 jasqa tolmaǵan adammen jynystyq qatynas nemese seksýaldy sıpattaǵy ózge de áreketter jasady degen aıyppen kúdikke ilingen», -dep habarlady Nurhat Orazbaev.
Qazir memleketaralyq izdeýde bolǵan kúdiktiler Atyraý qalalyq polıtsııa basqarmasynyń ýaqytsha ustaý ızolıatoryna qamaýǵa alyndy.
Eske sala ketelik, buǵan deıin Atyraýda halyqaralyq izdeýde júrgen 3 qylmysker ustalǵanyn habarlaǵan edik.
