Atyraý oblysynda topyraq qabatyn búldirgen sharýa qojalyǵyna aıyppul salyndy
Qurmanǵazy aýdanyndaǵy Súıindik aýyldyq okrýginiń aýmaǵynda munaıǵa uqsas suıyqtyq tógilgen jer tabylǵan bolatyn. Batyrbek aýylynan soltústik shyǵysqa qaraı 8-9 shaqyrym qashyqtyqtaǵy Ydyrys pen Shegendi qystaqtary aralyǵynda topyraq qabaty búlingeni týraly beınejazba áleýmettik jelide jarııalanǵan.
Atyraý oblystyq ekologııa departamenti baspasóz qyzmetiniń málimetine súıensek, bıylǵy 26 qarashada quramynda Qurmanǵazy aýdany ákimi men aýdan prokýrorynyń orynbasarlary, Súıindik aýyldyq okrýginiń ákimi, Azǵyr polıtsııa bóliminiń bastyǵy, «SMART-OIL» JShS-niń ókilderi bar top topyraq qabaty búlingen jerge tekserý júrgizgen.
«Tekserý kezinde jerdiń topyraq qabaty belgisiz zatpen búlingeni anyqtaldy. Departament qyzmetkerleri zerthanalyq taldaý júrgizý úshin búlingen jerden synamalar aldy. Munaı ónimderimen búlingen jerdegi lastaýshy zattyń naqty kontsentratsııasy aıalyq (fonovyı) topyraqtan kóp ekeni anyqtaldy. Qurmanǵazy aýdandyq polıtsııa bóliminiń is qujattarynda Súıindik aýyldyq okrýgine qarasty Ydyrys pen Shegendi qystaqtary arasynda Batyrbek aýylynan soltústik shyǵysqa qaraı 8-9 km shamasynda ornalasqan jerdi búldirgen «SMART-OIL» JShS-niń merdigeri – «Kapýanov B.Z.» sharýa qojalyǵy ekendigi kórsetilgen», - dep habarlady departamenttiń baspasóz qyzmeti.
Osy derekke baılanysty oblystyq ekologııa departamenti «Kapýanov B.Z.» sharýa qojalyǵyna zańnama talaptaryn buzǵany úshin ákimshilik hattama toltyrdy. Al, «Kapýanov B.Z.» sharýa qojalyǵynyń basshylary kinásin moıyndady. Qysqartylǵan is júrgizý tártibimen sharýa qojalyǵyna 459 myń 450 teńge mólsherinde ákimshilik aıyppul salyndy.
Munaı ónimderimen búlingen jer tazartylǵan.
Foto: Atyraý oblystyq ekologııa departamenti
