Atyraý oblysynda toǵyz aıda 38 júrgizýshi sottaldy
Atyraý oblystyq sotynyń baspasóz qyzmetinen málim etkendeı, QR Qylmystyq kodeksiniń 346-babymen (Kólik quraldaryn basqarý quqyǵynan aıyrylǵan jáne alkogoldik, esirtkilik jáne (nemese) ýytqumarlyq masań kúıdegi adamnyń kólik quralyn basqarýy, sol sııaqty kólik quralyn basqarýdy osyndaı adamǵa berý nemese kólik quralyn osyndaı adamnyń basqarýyna jol berý) 38 adamnyń isi sotta qaralǵan.
«Atyraý oblysynyń sottarymen bıylǵy 9 aıda 30 adam bas bostandyǵynan aıyrylyp, 8 adam bas bostandyǵynan shekteý jazasyna sottaldy.
Sondaı-aq, QR Ákimshilik quqyqbuzýshylyq týraly kodeksiniń 608-babyna (Júrgizýshiniń kólik quralyn alkogoldik, esirtkilik jáne (nemese) ýytqumarlyq masań kúıde basqarýy, sol sııaqty kólik quralyn alkogoldik, esirtkilik jáne (nemese) ýytqumarlyq masań kúıdegi adamnyń basqarýyna berý) sáıkes 675 adamǵa qatysty ákimshilik quqyq buzýshylyq týraly ister qaralǵan. Onyń ishinde 672 adamǵa ákimshilik jaza qoldanylyp, 3 adamǵa qatysty ákimshilik is júrgizý toqtatylǵan. Al, 630 adam qamaqqa alyndy. Onyń ishinde qosymsha jaza retinde 518 júrgizýshi arnaıy quqyǵynan aıyryldy. Al, 39-y arnaıy quqyǵynan aıyrylǵan, 3 adamǵa aıyppul salyndy», - dep habarlady oblystyq sottyń baspasóz qyzmetinen.
Eske sala ketelik, Atyraý oblysynda jyl basynan beri 500-ge jýyq mas júrgizýshi ustalǵan bolatyn.