Atyraý oblysynda tereńdigi 6 shaqyrym bolatyn uńǵyma burǵylanady

ATYRAÝ. QazAqparat - Atyraý oblysynda tereńdigi 6 shaqyrym bolatyn uńǵyma burǵylanady, dep habarlaıdy «QazAqparat» HAA tilshisi.

«Salystyrmaly ortasha tereńdiktegi zerttelgen paıdaly qazbalardyń resýrstyq qorlary sarqylýda. Alaıda, álemde 6 myń metr tereńdikke deıingi uńǵymany burǵylaý tehnologııalary jasalǵan. Bul tym tereń bolsa da, burǵylaý qajet degen toqtamǵa keldik. Sondyqtan, qazirgi tańda «Embimunaıgaz» AQ-ǵa birneshe jańa shartty aýmaqty, sonyń ishinde Kaspıı mańy oıpatynda ornalasqan Zabýrýne men Jaıyqty berý mácelesi sheshilýde», - dep habarlady «QazMunaıGaz» UK» AQ basqarma tóraǵasy Saýat Myńbaev.

Tereńdigi 6 myń metr bolatyn birinshi uńǵymany burǵylaý jumystary 2018 jyly bastalady dep josparlanýda.