Atyraý oblysynda táýligine 30 tonna balyq óńdeıtin tseh iske qosyldy
ATYRAÝ. QazAqparat – Atyraý oblysynda táýligine 30 tonna balyq óńdeıtin tseh iske qosyldy, dep habarlaıdy QazAqparat.
Qurmanǵazy aýdanynyń ákimi Qaırat Nurtaevtyń málimetine súıensek, jańa tsehty «Kaspıı-Balyq» óndiristik kooperatıvi iske qosqan.
«Osy kezge deıin aýlanǵan balyqtardyń basym bóligi shet elderge muzdatylǵan, salqyndatylǵan, qatyrylǵan, keptirilgen kúıinde óńdelip, eýrostandartqa saı jiberilip kelgen edi. «Kaspıı-Balyq» óndiristik kooperatıvi balyq ónimin óńdeý, toǵan sharýashylyǵyn damytý úshin Reseı Federatsııasynan ınvestor tartty. Óndiristik kooperatıv ınvestormen birlesip, Birlik aýylynan balyq óndeý tsehyn ashty. Jobanyń quny – 200 mln teńge. Tsehta táýligine 30 tonna balyq óndeledi. Oǵan 50 adam turaqty jumysqa tartylyp otyr» -dedi Qaırat Nurtaev.
Onyń aıtýynsha, byltyrǵy balyq aýlaý maýsymynda 350 tonna balyq Eýrostandart talabyna sáıkes óńdelgen. Aýdanda balyq sharýashylyǵymen aınalysatyn qurylymdar 3 361 tonna balyq ónimin Reseı Federatsııasyna, Grýzııa men Ýkraınaǵa eksportqa shyǵarǵan.
Eske sala ketelik, buǵan deıin Atyraý oblysynda balyq ósirýge 2 mlrd teńge ınvestıtsııa salynatynyn habarlaǵan edik.
