Atyraý oblysynda taǵy eki adam koronavırýs juqtyrdy
ATYRAÝ. QazAqparat - Atyraýda Oblystyq aýrýhana medbıkesi men patsıent koronavırýs juqtyrdy, dep habarlaıdy QazAqparat.
Densaýlyq saqtaý basqarmasynyń deregi boıynsha, Oblystyq emhananyń 34 jastaǵy medbıkesi men 21 jastaǵy patsıenti 1 sáýir kúni túnde koronavırýs indetimen emhanaǵa jatqyzylǵan 28 jastaǵy áıelmen baılanysta bolǵany anyqtaldy.
Qazirgi ýaqytta olar ınfektsııalyq bólimshede em alyp jatyr, densaýlyq jaǵdaılary qalypty.
Eske sala ketsek, Qyzylqoǵa aýdanynyń 28 jastaǵy turǵyny JRVI belgilerimen oblystyq aýrýhananyń medıtsına qyzmetkerlerine júgingen. Taldaý nátıjesi áıeldiń Covid-19 juqtyrǵanyn rastady. Naýqaspen baılanysta bolǵandardyń barlyǵy oqshaýlandyryldy, medıtsına mekemesiniń ǵımaraty dezınfektsııalandy.
