Atyraý oblysynda taǵy da balyq qyrylyp jatyr
ATYRAÝ. QazAqparat – Atyraý oblysynda taǵy da balyq qyrylyp jatyr, dep habarlaıdy QazAqparat.
Atyraý oblysyndaǵy sý aıdynynda balyqtyń qyrylǵany jóninde vıdeo tarady. Osyǵan oblys ákiminiń baspasóz qyzmeti túsinik berdi.
«Áleýmettik jelide balyqtardyń jappaı qyrylǵany týraly beınerolık tarap jatyr. Qazir arnaıy komıssııa qurylyp, oqys oqıǵanyń mán-jaıyn anyqtaýǵa kiristi. Komıssııanyń quramynda oblystyq balyq sharýashylyǵy basqarmasynyń basshysy Artýr Sádibekuly, oblystyq orman sharýashylyǵy jáne janýarlar dúnıesi aýmaqtyq ınspektsııasynyń ókilderi, ózge jaýapty mamandar bar. Balyqtyń jappaı qyrylýy Mahambet aýdanyndaǵy sý aıdynyndarynyń birinde boldy degen boljam bar. Tekserý nátıjeleri týraly qosymsha habarlanaday», -dep málim etti ákimdiktiń baspasóz qyzmeti.
Eske sala ketelik, budan buryn Atyraý qalasynyń mańynda balyq qyrylyp, keıin onyń sebebi aıtylǵanyn jazǵan edik.
