Atyraý oblysynda syrqattar jatqan 730 ınfektsııalyq tósek-oryn bosady

ATYRAÝ. QazAqparat – Atyraý oblysynda qaýipti vırýsty juqtyrǵan naýqastarǵa arnalǵan ınfektsııalyq tósek-oryn 30 paıyzǵa azaıdy, dep habarlaıdy QazAqparat.

Oblystyq densaýlyq saqtaý basqarmasynyń baspasóz qyzmetinen málim etkendeı, sońǵy kúnderi koronavırýs ınfektsııasyna shaldyqqandar sany tómendegeni baıqalǵan. Máselen, ótken táýlikte 24 adamnan qaýipti vırýstyń belgisi anyqtalǵan.

«Atyraý oblysynda 15 qyrkúıekten beri oblystyq aýrýhanada, kardıoortalyqta, eki jataqhanada, temirjol aýrýhanasynda ornalasqan bes ınfektsııalyq statsıonar jabylǵan edi. Keıin qazan aıynyń basynda ftızıopýlmonologııalyq ortalyq bazasynda jumys isteıtin ınfektsııalyq statsıonar jumysyn toqtatty. Osyǵan baılanysty aýrýhanalardaǵy ınfektsııalyq tósek-oryndar sany 30%-ǵa, naqtysynda 2 352-den 730 orynǵa deıin qysqardy», delingen habarlamada.

Qazir modýldik aýrýhanada – 99, №2 oblystyq aýrýhanada – 6, aýdandardaǵy ınfektsııalyq statsıonarlarda – 33 naýqas em qabyldaý úshin oqshaýlanǵan. Teńiz ken ornyndaǵy ınfektsııalyq statsıonarda 73 patsıent jatyr.

Eske sala ketelik, buǵan deıin Atyraý oblysynda bir kúnde 48 adam koronavırýs juqtyrǵanyn habarlaǵan bolatynbyz.