Atyraý oblysynda sybaılas jemqorlyq deńgeıi tómendedi
Komıssııa otyrysynda «Transparency International» uıymynyń Qazaqstandaǵy ókildigi júrgizgen «2020 jylǵy Qazaqstandaǵy sybaılas jemqorlyq jaı-kúıiniń monıtorıngi» zertteýiniń nátıjeleri jarııalanyp, Atyraý oblysyndaǵy sybaılas jemqorlyq deńgeıi men aldyn alý sharalary qaraldy.
«Transparency International» uıymynyń Qazaqstandaǵy sarapshylary qalalar, oblystar
men jáne aýdandarda 9 000 respondentpen saýalnama júrgizip, «ashyq dıalog» portalyna
túsken 1 347 ótinishti zerttegen.
«Turǵyndar arasynda júrgizilgen saýalnama nátıjeleri memlekettik organdarǵa júgingen
kezde sybaılas jemqorlyqqa tap bolǵan adamdardyń úlesi 2019 jylmen salystyrǵanda
2,1%-ǵa tómendegenin kórsetti», - dedi Sybaılas jemqorlyqqa qarsy is-qımyl agenttigi Atyraý oblysy boıynsha departamentiniń basshysy Qanat Súleımenov.
«Adaldyq alańy» jobalyq keńsesiniń jetekshisi Alfııa Ádıevanyń málimetinshe, turǵyndar arasynda sybaılas jemqorlyqqa qarsy mádenıetti qalyptastyrý maqsatynda 72 aqparattyq-nasıhattyq jumys júrgizilgen.
«Turǵyndardyń biliktiligin arttyrý baǵytynda elektrondyq qyzmetter boıynsha oqytý beınerolıkterin ázirleý, ashyqtyqty qamtamasyz etý maqsatynda Atyraý oblysyndaǵy termojańǵyrtý júıesin tsıfrlandyrý, ıaǵnı arnaıy saıt jasaý qajet», -dedi ol.
Mahambet Dosmuhambetov óńirde jemqorlyq deńgeıiniń tómendegenine qaramastan, atalǵan indettiń aldyn alý úshin quzyrly sala qyzmetkerleri jumysty áli de kúsheıtý qajettigine toqtaldy. Osyǵan oraı tıisti laýazym ıelerine birqatar tapsyrma berdi.
Eske sala ketelik, budan buryn Alık Shpekbaev memlekettik qyzmetshilerdiń basty mindeti –azamattarǵa qoljetimdi qyzmet kórsetý ekendigin aıtqan edi.