Atyraý oblysynda sýshıden ýlanǵan taǵy 8 adam aýrýhanaǵa tústi
ATYRAÝ. QazAqparat – Atyraý oblysyndaǵy Jylyoı aýdandyq ortalyq aýrýhanasyna sýshıden ýlanǵan taǵy 8 adam tústi, dep habarlaıdy QazAqparat.
Buǵan deıin Jylyoı aýdandyq ortalyq aýrýhanasyna 16 adam túsip, keıin 29 adamnyń ýlanǵanyn, onyń 21-i emdelip jatqanyn habarlaǵan edik.
Oblystyq densaýlyq saqtaý basqarmasy baspasóz qyzmetiniń málimetinshe, búgin taǵy 8 adam aýrýhanaǵa júgingen.
«Búgin Jylyoı aýdandyq ortalyq aýrýhanasyna taǵy 8 adam kelip qaraldy. Dárigerler olardy aýrýhanaǵa jatqyzdy. Qazir ýlaný dıagnozymen aýrýhanada 29 adam emdelip jatyr» dep málim etti basqarmanyń baspasóz qyzmetinen.
