Atyraý oblysynda surapyl jel úsh mekteptiń shatyryn ushyrdy
ATYRAÝ. QazAqparat –Atyraý oblysynyń Maqat aýdanynda qatty jel úsh mekteptiń shatyryn ushyryp áketti, dep habarlaıdy QazAqparat.
Atyraý oblysynda qatty jeldiń ekpini basylar emes. Buǵan deıin turǵyn úılerdiń
shatyryn ushyryp áketkenin habarlaǵan edik.
Qatty jelden Inder men Maqat aýdanynda nysandardyń shatyry búlingen. Máselen,
Inderbor kentiniń D.Qonaev kóshesinde ornalasqan «Qazaqtelekom» AQ Inder aýdandyq bólimshesi keńsesiniń, Qorǵantaý kóshesindegi turǵyn úıdiń biriniń shatyryn ushyrǵan. Al, Maqat aýdanynda úsh mekteptiń shatyry búlingen. Munda saz mektebiniń, O.Sarǵunanov jáne S.Sharıpov atyndaǵy orta mektepterdiń tóbe jabyndysy ushqan.
Sondaı-aq, surapyl jel kóp qabatty turǵyn úıdiń shatyryn qıratyp ketken.
