Atyraý oblysynda súńgýirler joǵalǵan zeınetkerdi Jaıyqtan izdep jatyr
Buǵan deıin Mahambet aýdanyndaǵy Beıbarys aýylynyń 65 jastaǵy turǵyny 28 qańtarda joǵalyp ketkenin jazǵan bolatynbyz. Zeınetker sol kúni saǵat keshki 19:30-da úıinen shyǵyp ketip, otbasyna áli oralǵan joq.
Oblystyq Tótenshe jaǵdaılar departamentiniń baspasóz qyzmetinen málim etkendeı, ol 29 qańtardan beri izdestirip jatyr.
«Zeınetkerdiń joǵalǵany týraly senbide, 29 qańtarda saǵat 00:15-te habar tústi. Sodan beri otbasyna oralmaǵan er adamdy izdeý jergilikti ýchaskelik polıtsııa ınspektorlarymen birge júrgizilip jatyr. Ázirge Beıbarys jáne Saraıshyq aýyldaryna jaqyn mańdaǵy aýmaqty aralap, izdestirýden esh nátıje joq. Qazir joǵalǵan zeınetkerdi izdeýge Mahambet aýdandyq №11 órt sóndirý bóliminiń jedel qutqarý jasaǵynan 6 qyzmetker, 1 kınologııalyq eseptiń quramy jáne 1 arnaıy tehnıka tartyldy. Jedel qutqarý jasaǵynyń súńgýirleri zeınetkerdi Jaıyq ózeninen izdestirip jatyr», - dep habarlady departamenttiń baspasóz qyzmetinen.
