Atyraý oblysynda sýmen jabdyqtaý qyzmetiniń baǵasy negizsiz ósirilgen
Kommýnaldyq qyzmetter tarıfteriniń ósýi Qazaqstan Respýblıkasynyń azamattary men turǵyndaryn tolǵandyratyn ótkir áleýmettik máselelerdiń biri bolyp tabylady. QMA tutynýshylardyń múddelerin qorǵaý sharalaryn qoldanyp baǵany negizsiz kóterýge qarsy áreket etýde.
QMA Atyraý oblysy boıynsha aýmaqtyq departamenti monopolısttiń turǵyndar men zańdy tulǵalar úshin magıstraldyq qubyrlar arqyly sýmen qamtamasyz etý tarıfin asyra baǵalaý faktisin anyqtady.
Atalǵan fakti boıynsha Qazaqstan Respýblıkasy Qylmystyq kodeksiniń 221-babynyń 1-bóligi (monopolııalyq qyzmet) boıynsha sotqa deıingi tergeý amaldary júrgizilýde.
Sonymen birge, tutynýshylarǵa keltirilgen zalaldy óteý maqsatynda 2022 jyldyń sońyna deıin Atyraý oblysynyń turǵyndary úshin atalǵan kommýnaldyq qyzmetterge jeńildetilgen ótemdik tarıf engizildi.
Tergeý múddesin saqtaý úshin ózge aqparat jarııa etilmeıdi.
Eske salaıyq, buǵan deıin Qarjylyq monıtorıng agenttigi Tarazda jylý tarıfin 15%-ǵa tómendetse, sonymen qatar 2021 jyldyń tamyzynda kommýnaldyq qyzmet baǵasynyń negizsiz ósýin toqtatqan bolatyn.
