Atyraý oblysynda sýǵa batyp bara jatqan er adam qutqaryldy
ATYRAÝ. QazAqparat - Atyraý oblysynda 1972 jylǵy týǵan er adam sýǵa batyp bara jatqan jerinen qutqaryldy, dep habarlaıdy QazAqparat tilshisi.
«Kúndelikti reıd barysynda, Inder aýdanynyń qutqarýshylary sýǵa batyp bara jatqan er adamdy kóredi. Oqys oqıǵa keshki saǵat 21:00 shamasynda boldy. Qutqarýshylar tez arada qutqarý operatsııalaryn júrgizip, zardap shegýshini jaǵaǵa alyp shyǵyp alǵashqy medıtsınalyq kómek kórsetti. Ol aman qaldy. Zardap shegýshi polıtsııa qyzmetkerlerine tapsyryldy»,-dep habarlady Batys óńirlik aeroutqyr jedel qutqarý jasaǵy baspasóz qyzmetinen.
