Atyraý oblysynda sýǵa batqandardy qutqarmaq bolǵan er adam ózenge aǵyp ketti
ATYRAÝ. QazAqparat - Atyraý oblysynda 27 jastaǵy er adam sýǵa aǵyp ketti, dep habarlaıdy «QazAqparat» HAA tilshisi.
«Qaıǵyly jaǵdaı dúısenbi kúni keshkisin Jylyoı aýdany Qulsary qalasynda bolǵan. 1990 jylǵy jas azamat sýǵa aǵyp bara jatqan eki qyzǵa kómektesý úshin Jem ózenine túsedi. Qyzdardy qutqaryp alyp, ózi sýdan shyǵa almaı, aǵyp ketken», - dep habarlaıdy Atyraý oblystyq TJD.
Er adam áıeliniń eki sińlisi sýǵa aǵyp bara jatqanda qutqarmaqshy bolǵan. Ol júzý bilmese de, kómektesý úshin sýǵa túsken.
