Atyraý oblysynda stýdentterge 12 jataqhana salynady

ATYRAÝ. QazAqparat - Atyraý oblysynda 12 stýdentter jataqhanasy salynady, dep habarlaıdy QazAqparat tilshisi.

«Qazirgi tańda árqaısysy 100 oryndyq eki stýdentter jataqhanasynyń qurylysy júrip jatyr. 100 jáne 150 oryndyq eki jataqhananyń qurylysy taıaý ýaqytta bastalady. Qazir tenderlik rásimder júrgizilip jatyr. Sondaı-aq, 960 oryndyq 8 jataqhananyń qurylysyna jobalyq-smetalyq qujattama jasalýda», - dep habarlady oblys ákimdiginiń baspasóz qyzmeti.

Eske salaıyq, Prezıdenttiń bes áleýmettik bastamasynyń úshinshi baǵytynda bilim berý jaǵdaıy men stýdentterdiń turmysyna erekshe kóńil bólindi. 2022 jyldyń sońyna deıin kem degende 75 myń oryndyq jańa stýdentter jataqhanasynyń qurylysyn qamtamasyz etý qajet.

Bes áleýmettik bastamany júzege asyrý boıynsha Jol kartasy aıasynda jataqhanalar qurylysy 2018 jyldyń qyrkúıeginen bastalady. 2022 jylǵa deıin elde 160-200 jataqhana salý josparlanyp otyr.