Atyraý oblysynda startap-jobalarǵa qomaqty qarjy bólinbek
ATYRAÝ. QazAqparat - Atyraý oblysynda startap-jobalardy júzege asyrýǵa 600 mln teńge bólinedi, dep habarlaıdy «QazAqparat» HAA tilshisi.
Atameken» QR UKP bul qarjyny bóle otyryp, aımaqta 2017-2021 jyldarǵa arnalǵan Nátıjeli jumyspen qamtýdy jáne jappaı kásipkerlikti damytý baǵdarlamalaryn iske asyrýdy jalǵastyrmaq.
«600 mıllıon teńgeniń barlyǵy startap-jobalardy júzege asyrýǵa baǵyttalady. Bul «Bastaý bıznes» jobasy úshin kómek bolmaq. Osy qarjylandyrýdyń arqasynda kóptegen bıznes-jobalardyń ashylatynyna úmittenemiz, demek jańa jumys oryndary qurylady. 600 mıllıon teńge degenimiz - shamamen 200 bıznes-joba. Bir bıznes-jobanyń kem degende 2-3 jańa jumys oryndaryn beretinin esepke alsaq, qosymsha qarjylandyrý arqyly tek Atyraý oblysynda 700-800 jumys orny ashylady», - dedi «Atameken» QR UKP bıznes-kommýnıkatsııany damytý departamentiniń dırektory Baýyrjan Orazǵalıev.
