Atyraý oblysynda sońǵy tórt jylda alǵash ret qyzylsha juqtyrǵandar tirkeldi
Atyraý oblystyq sanıtarııalyq-epıdemıologııalyq baqylaý departamentiniń bólim basshysy Aınagúl Sársenǵalıevanyń aıtýynsha, qyzylshamen 14 jasqa deıingi jasóspirimder aýyrǵan.
«Qazir álemniń elderinde qyzylshanyń taralýynyń qaýpi artyp keledi. Óıtkeni, buǵan COVID-19 pandemıııasynan keıin qyzylshaǵa qarsy vaktsınatsııalaý, osy ınfektsııaǵa epıdemııalyq qadaǵalaýdyń tómendegeni sebep bolyp otyr. Atyraý oblysynda qyzylsha aýrýy sońǵy ret 2019 jyly tirkelgen edi. Tórt jyldan keıin bıylǵy naýryz aıynda atalǵan aýrýdyń 4 jaǵdaıy tirkeldi. Alǵashqy jaǵdaı bizge shet elden kelgen jasóspirimnen anyqtaldy. Túrkııa elinen kelgen azamattyń balasy vırýsty sol jaqtan juqtyryp kelgen. Qazir qyzylsha juqtyrǵan 4 jaǵdaıdyń bireýi zerthanalyq taldaýmen dáleldendi. Qalǵan 3 jaǵdaıdyń zerthanalyq nátıjesin kútip otyrmyz», -dep habarlady Aınagúl Sársenǵalıeva.
Onyń aıtýyna qaraǵanda, qyzylsha ınfektsııasynyń aldyn alýǵa baǵyttalǵan kúrestiń jalǵyz jáne tıimdi sharasy – vaktsına saldyrý.
Atyraý oblysynda balalardy qyzylshaǵa qarsy qyzamyq jáne epıdemııalyq parotıtke qarsy biriktirilgen vaktsına egý kózdelgen.
«Bul vaktsına dúnıejúzilik densaýlyq saqtaý uıymymen sertıfıkattalǵan. Vaktsınany alý tıimdi jáne qaýipsiz. Qyzylshaǵa qarsy vaktsınalaý elimizdiń ulttyq egý kúntizbesine sáıkes 1 jastan 6 jasqa deıin júrgiziledi», -dep málim etti Aınagúl Sársenǵalıeva.
Eske sala ketelik, buǵan deıin Atyraý oblysynda ekpe alýdan bas tartqan eki adam kókjótel juqtyryp alǵanyn jazǵan edik.
