Atyraý oblysynda sońǵy táýlikterde indetten qaıtys bolǵandar tirkelgen joq

ATYRAÝ. QazAqparat – Atyraý oblysynda koronavırýs ınfektsııasyn juqtyrǵan 82 adam aýyryp jatyr, dep habarlaıdy QazAqparat.

Oblystyq densaýlyq saqtaý basqarmasynyń baspasóz qyzmetinen málim etkendeı, ótken táýlik – 14 naýryzda qaýipti vırýsqa 1 adam shaldyqqan.

«Qazir Atyraý oblysynda 73 adam úı jaǵdaıynda emdelip jatyr. Al, ınfektsııalyq statsıonarlarda 9 naýqas oqshaýlanǵan. Bir kúnde koronavırýs ınfektsııasynan 16 naýqas emdelip shyqty», -dep habarlady basqarmanyń baspasóz qyzmeti.

Byltyrǵy 1 aqpannan beri COVID-19 ınfektsııasyna qarsy vaktsınalardyń І komponentin saldyrǵan atyraýlyqtardyń sany 269 524 adamǵa jetken. Vaktsınalardyń ІІ komponentin

256 005 adam ektirgen.

Óńirde Pfizer ekpesin alǵan bala emizip otyrǵan analar men júkti áıelder, sondaı-aq, 12-18 jastaǵy jasóspirimder sany 7 492 adamdy qurap otyr. Al, 48 067 adam qaıta vaktsınalaýdan ótken.

Sońǵy birneshe táýlikte qaýipti vırýstan qaıtys bolǵandar tirkelgen joq.

Eske sala ketelik, buǵan deıin Atyraý oblysynda 7 358 adam Pfizer vaktsınasyn saldyrǵanyn habarlaǵan edik.