Atyraý oblysynda sońǵy bir aptada 4 adam sýǵa batyp ketken

ATYRAÝ. QazAqparat – Bıylǵy jyl basynan beri Atyraý oblysynyń sý aıdyndaryna 8 adam batyp ketken. Onyń ishinde 4 derek sońǵy bir aptada tirkelgen, dep habarlaıdy QazAqparat tilshisi.

Atyraý oblystyq tótenshe jaǵdaılar departamenti basshysynyń orynbasary Asqat Erjanovtyń málimetinshe, byltyr sý aıdyndarynda 20 adam kóz jumǵan. Onyń ishinde 8 kámeletke tolmaǵan bala. Shomylý maýsymy kezinde 13 adam qutqaryldy.

Al, bıylǵy jyl basynan beri sýǵa batýǵa baılanysty 8 derek tirkelip otyr. Sý aıdyndarynan 4 adam qutqarylǵan. Sońǵy bir aptada sý aıdyndaryna 4 adam batyp ketken.

«Máselen, 1995 jyly týǵan er adam Jaıyq ózeniniń Atyraý qalasy aýmaǵyndaǵy bóliginen shyǵaryldy. Marqum qylmystyq árekettiń saldarynan kóz jumýy múmkin. Sol sebepten, máıit sot-medıtsınalyq saraptamaǵa jiberilip, materıaldar polıtsııa departamentiniń qyzmetkerlerine tapsyryldy. Qurmanǵazy aýdanynyń Sharon ózenine batqan 2008 jylǵy jasóspirimniń ólimniń sebebi – jabdyqtalmaǵan jerde shomylý. Osy aýdanda 12 jasar jasóspirim attan qulap, sýǵa batyp ketken. Al, 59 jastaǵy áıel de Jaıyq ózenine batqany anyqtalyp otyr. Onyń máıit» sot-medıtsınalyq saraptamaǵa tapsyryldy», - dedi Asqat Erjanov.

Onyń aıtýynsha, sýǵa bayp ketýge birneshe sebep áser etip otyr. Birinshiden, eresek turǵyndardan tarapynan sýdaǵy qaýipsizdik erejeleriniń talaptaryn eskermeýdiń sońy ókinishke uryndyrady. Ekinshiden, turǵyndar mas kúıde sýǵa túsedi. Úshinshiden, óz kúshine senýge bolmaıdy. Tórtinshiden, ata-analar men týystary kámeletke tolmaǵan balalardyń qaýipsizdigine salǵyrt qaraıdy.

Eske sala ketelik, buǵan deıin Atyraý oblysynda 15 jasar jasóspirim kanal sýyna batyp ketkenin jazǵan edik.

Keıin attan qulaǵan 12 jasar bala kanal sýyna batqanyn habarlaǵan bolatynbyz.