Atyraý oblysynda sırek kezdesetin qus tabyldy
ATYRAÝ. QazAqparat – Atyraý oblysynyń Qyzylqoǵa aýdanynda sırek kezdesetin qus tabyldy, dep habarlaıdy QazAqparat.
Atyraý oblystyq orman sharýashylyǵy jáne janýarlar dúnıesi aýmaqtyq ınspektsııasynyń resmı ókili Nurlan Imanǵalıevtiń aıtýynsha, 8 shildede áleýmettik jelide Qyzylqoǵa aýdanyndaǵy Muqyr aýylynyń turǵyndary suqsyr úırekke uqsas qus tabylǵanyn jarııalaǵan.
«Qus adamdardan úrkimegen. Bizdiń ınspektorlar aýyl turǵyndarymen baılanysqa shyqty. Turǵyndar taýyp alǵan qusty Atyraýǵa kele jatqan kólik júrgizýshisi arqyly berip jiberdi. Inspektorlar qusty tekserýden ótkizip, jaraqattanbaǵanyn anyqtady. Suqsyr úırekke uqsas qus «Aqjaıyq» memlekettik tabıǵı rezervatynyń aýmaǵy arqyly teńizge quıatyn kanalǵa jiberildi» -deıdi Nurlan Imanǵalıev.
Jergilikti ornıtolog, «Qansonar» respýblıkalyq qaýymdastyǵy óńirlik ókildiginiń dırektory Aleksandr Ivasenkonyń aıtýynsha, Atyraý oblysynda suqsyr úırektiń birneshe túri kezdesedi. Mundaı qus Qyzyl kitapqa enbegen.
Eske sala ketelik, budan buryn Atyraý turǵyny jaraly aqqýdy qutqarǵanyn habarlaǵan edik.
