Atyraý oblysynda shıkizattyq emes ónimder eksportynyń kólemi artady
ATYRAÝ. QazAqparat –Atyraý oblysynda shıkizattyq emes ónimder eksportynyń kólemi artady, dep habarlaıdy QazAqparat.
Oblystyq ekonomıka jáne bıýdjettik josparlaý basqarmasynyń basshysy Azamat Sálimbaevtyń málimetinshe, shıkizattyq emes ónimder eksporty kólemin 130 paıyzǵa jetkizý josparlanyp otyr.
«Osy baǵyttaǵy josparly kórsetkishterge qol jetkizý úshin jergilikti qamtý úlesin arttyrý, ásirese jeńil ónerkásip pen qurylys materıaldary óndirisin damytý boıynsha jol kartasy sheńberinde iske asady. Bul baǵytta memlekettik qoldaý sharalaryn kórsetý kózdelip otyr» - dedi basqarma basshysy Azamat Sálimbaev.
Onyń aıtýynsha, shıkizattyq emes ónimder eksporty kóleminiń 80%-ǵa jýyǵyn «Atyraý munaı óńdeý zaýyty» JShS-niń ónimderi quraıdy. Atalǵan kásiporyn eksportqa benzın, avıakerosın, mazýt sekildi shıkizattyq emes ónimder shyǵarady. Al 13,8%-yn polıpropılen, polıetılen óndiristeri boıynsha hımııa ónerkásibi, 1,4%-yn qyzmetter kórsetý baǵytyndaǵy munaı-gaz mashınalaryn jasaý, 0,7%-yn qurylys materıaldary men 0,4%-yn tamaq ónerkásibi salalary qurap otyr.
Eske sala ketelik, budan buryn Atyraý oblysynda eksport kólemi 758 mln dollarǵa jetkenin habarlap edik.
