Atyraý oblysynda sheteldikterdi zańsyz elge kirgizgender tergelýde
Oblystyq Polıtsııa departamenti baspasóz qyzmetinen málim etkendeı, óńirde «Zańsyz mıgrant-Kordon» jedel-aldyn alý is-sharasy ótti.
Onyń barysynda zańsyz kóshi-qondy uıymdastyrýdyń 2 deregi anyqtalǵan. Qazir atalǵan faktilerge qatysty QR Qylmystyq kodeksiniń 394-baby 1-bóligimen sotqa deıingi tergeý júrip jatyr.
Sondaı-aq reıd barysynda qurylys nysanynda zańsyz jumys istep júrgen Ózbekstan Respýblıkasynyń 42 azamaty anyqtaldy.
«Qazir sheteldikter qabyldaý-taratý ornyna ornalastyryldy. Sońǵy úsh kúnde 386 sheteldik azamat ákimshilik jaýapkershilikke tartyldy. Onyń ishinde kóshi-qon zańnamasyn buzǵany úshin sot sheshimimen 7 sheteldik el aýmaǵynan shyǵaryldy. Sondaı-aq, Qazaqstan Respýblıkasynyń 98 azamatyna qatysty halyqtyń kóshi-qony salasyndaǵy zańnamasyn buzǵany, QR zańnamasyn buza otyryp sheteldik jumys kúshin jáne kóship kelýshilerdi eńbekke tartqany úshin ákimshilik hattamalar toltyryldy. Májbúrlep shyǵarý úshin arnaıy qabyldaý ornyna alys shetelden 3 azamat ornalastyryldy», - deıdi departament bastyǵy Qamza Úmbetqalıev.
Eske sala ketelik, budan buryn Atyraýda sheteldikter naýbaıhanada zańsyz jumys istegenin habarlaǵan bolatynbyz.