Atyraý oblysynda sheteldik jumysshylarǵa 60 myń kvota beriledi
ATYRAÝ. QazAqparat - Atyraý oblysynda mıgratsııalyq qyzmetter ortalyǵyn jáne 34 jańa polıtsııa ýchaskelik pýnktin ashý josparlanyp otyr, dep habarlaıdy «QazAqparat» HAA tilshisi.
«Atyraý oblysyna jasaǵan is saparynda QR ishki ister mınıstriniń orynbasary Berik Beısenqulov oblys ortalyǵyndaǵy birqatar nysandardyń qurylys qarqynyn kórdi. Atap aıtqanda, Atyraý oblystyq ІІD-niń jańa ǵımaratyna jáne mamandandyrylǵan halyqqa qyzmet kórsetý ortalyǵyna bardy. Óńirde jylyna 60 myń kvota sheteldik jumys kúshine beriletinin eskere otyryp, ІІD basshylyǵyna mıgratsııalyq qyzmetter ortalyǵynyń qurylysyna jańa múmkindikter izdeý usynyldy», - deıdi QR ІІM baspasóz qyzmetindegiler.
QR ІІM basshysynyń orynbasaryna monoqalalardy damytý memlekettik baǵdarlamasy aıasynda Jylyoı aýdanynda jedel basqarý ortalyǵynyń qurylysy týraly aqparat berildi. Aýdanda jergilikti polıtsııanyń materıaldyq-tehnıkalyq bazasy nyǵaıtyldy. Oblysta 34 jańa ýchaskelik polıtsııa pýnkti paıdalanýǵa tapsyrylady, sonyń 20-sy Atyraýdyń jańadan boı kótergen yqshamaýdandarynda ornalasqan.
«Erekshe aýyr qylmystardy ashýǵa kóp kúsh salý qajet. Tirkelgen qylmystardyń basym kópshiligi urlyqpen baılanysty. Ol úshin QR ІІM 2018-2020 jyldarǵa arnalǵan baǵdarlama qabyldady. Qylmystardyń aldyn alý, ásirese jastar arasynda qylmystarǵa jol bermeý sharalaryn kúsheıtý qajet», - dedi B. Beısenqulov.
