Atyraý oblysynda sheteldik júk kóligi janyp ketti
ATYRAÝ. QazAqparat – Atyraý oblysynyń Qurmanǵazy aýdanynda sheteldik júk kóligi janyp ketti, dep habarlaıdy QazAqparat.
Oblystyq Tótenshe jaǵdaılar departamentiniń málimetine súıensek, oqys oqıǵa keshe, 17 qyrkúıekte bolǵan.
«Departamenttiń dıspetcherlik pýltine keshki saǵat 20:24-te Qurmanǵazy aýdanynda júk kóliginiń órtengeni týraly habar tústi. «Atyraý-Aqtóbe» tas jolynyń 798-shaqyrymynda Túrkııadan Ózbekstan Respýblıkasyna bara jatqan «Mercedes Benz» markaly fýra avtokóliginiń janǵany anyqtaldy.
Órtti sóndirýge Qurmanǵazy aýdandyq tótenshe jaǵdaılar bóliminiń 6 qyzmetkeri men 1 tehnıka jumyldyryldy. Kólik órti saǵat 23:19-da tolyq joıyldy. Qazir órttiń shyǵý sebebi anyqtalyp jatyr»,- dep habarlady departamenttiń baspasóz qyzmeti.
Eske sala ketelik, buǵan deıin Atyraýda joǵary kerneýli elektr jelisine soǵylǵan júk kóligi órtengen edi.
