Atyraý oblysynda sheteldik 16 jumysshynyń jalaqysy tómendetildi
Oblystyq memlekettik eńbek ınspektsııasy basqarmasynyń basshysy Igilik Áýbákirovtiń aıtýynsha, bıylǵy sáýirde aryzdarǵa baılanysty «China National Chemical Engineering CO., Ltd.» (CNCEC) kompanııasynyń fılıaly men «Fırkroft Injınırıng Servısız Lımıted Kazahstan» (Fırkroft») JShS-na QR Eńbek kodeksiniń 103-babynyń 1-1-bóligindegi talaptardyń saqtalýyna jospardan tys tekserý júrgizilgen.
«Tekserý kezinde uqsas laýazymdaǵy jáne birdeı mindetter atqaratyn «Fırkroft» men «CNCEC» kompanııalarynyń jumysshylary arasynda eńbekaqy teń dárejede tólenbeıtini belgili boldy. Sondyqtan, jumysshylardyń jalaqysyn teńestirý jóninde nusqama engizildi. Sonyń nátıjesinde «Fırkroft» seriktestigindegi 23 jumysshynyń jalaqysy ósirilip, «CNCEC» kompanııasyndaǵy qytaılyq 68 jumysshynyń jalaqysy teńestirildi. Al, Qytaıdan kelgen 16 jumysshynyń eńbekaqysy tómendetildi», - deıdi Igilik Áýbákirov.
Sondaı-aq, Mańǵystaý oblysynda «Burǵylaý» jobasy jumysshylarynan ujymdyq aryzy qabyldanǵan. Soǵan sáıkes «Fırkroft Injınırıng Servısız Lımıted Kazahstan» JShS tekserilgen.
«Tekserý qorytyndysymen «Fırkroft Injınırıng Servısız Lımıted Kazahstan» JShS-na Eńbek kodeksiniń 103-babyna sáıkes, bıylǵy 1 qantardan basqa laýazymǵa aýystyrý kúnine deıin 76 jumysshynyń, aýystyrylǵan kúnnen keıin 51 jumysshynyń jalaqysyn «Burǵylaý» JShS-nyń jumysshylarymen teńestirý jóninde nusqama berildi. Basqa laýazymǵa aýystyrý kúnine deıin ekinshi sanattaǵy 46 jumysshynyń, aýystyrylǵan kúnnen soń 70 jumysshynyń jalaqysyn «Burǵylaý» JShS-nyń eńbekaqy tóleý júıesine sáıkes ósirý tapsyryldy. Osyǵan baılanysty «Burǵylaý» jobasyndaǵy «Fırkroft» kompanııasynda jumys isteıtin 129 qyzmetkerdiń qańtar-mamyr aılary aralyǵyndaǵy 51,5 mln teńge jalaqysy qaıta eseptelip, «Burǵylaý» JShS-nyń qyzmetkerleriniń eńbekaqysymen teńestirildi», - dep málim etti Igilik Áýbákirov.
Eske sala ketelik, budan buryn Atyraýda jyl basynan beri 364 mln teńge jalaqy qaryzy óndirilgen bolatyn.